السفينة ام ريسين تغرق .. كلوب فين ؟

السلام عليكم ورحمة الله وبركاته

انهاردة هتكلم عن اللي حصل في ماتش ليفربول اللي ماشفش الماتش ليفربول فاز بعلي بيرنلي علي ارض بيرنلي ب3 اهداف مقابل صفر سجل الاهداف اول هدف كان ارنولد وكان هدف رائع و ساديو ماني سجل الهدف التاني و فيرمينيو سجل الهدف التالت .. طيب لحد كدا جميل جدا فين المشكلة ؟ .. في الشوط التاني في الدقيقة 82 تقريبا كلوب قرر يغير ساديو ماني وفيرمينيو وينزل شاكيري واوريجي .. فيرمينيو خرج عادي وسلم علي زمايله .. المشكلة في ساديو .. ساديو كانت متعصب جدا وماسلمش علي حد وكان تقريبا بيزعق لكلوب وبيشتكي له ان صلاح كان اناني ودي اللقطة صلاح في وضع صعب جدا انه يشوط وقدامه الخيار الاسهل ماني ولو تاخدوا بالكم فيرمينيو جاي كمان وبقي فيه اتنين فاضين جوا منطقة الجزاء فسهل عليك جدا انك تباصي لواحد من الاتنين دول بس دا ماحصلش وصلاح قرر ياخد الكورة لنفسه وطلعت الكورة برا ..

 

اللقطة اللي انتم شايفينها ديه تعصب الحقيقة جدا وساديو ماني له الحق انه يتعصب ويتنرفز بس السؤال المهم .. المشكلة ديه من امتة ؟ .. مش من الموسم اللي فات باين صح ؟ حصلت برضه قبل كدا لقطة من ماني كان اناني جدا وصلاح كان فاضي بس مرر الكورة لنابي كيتا وكيتا ضيعها وطبعا كان فيه كذا لقطة من الاتنين بتوضح فيهم انهم انانيين جدا وكل واحد عاوز مصلحته اه دي حقيقة كل واحد عاوز مصلحته مش مصلحة الفريق .. طيب كلوب فين ؟ يعني انت فين من كل دا ؟ يعني واضح جدا انك ماحلتش المشكلة بين الاتنين وواضح جدا ان الاتنين مش قادرين يتفاهموا مع بعض غير كل فين وفين لما يحسوا ان فيه مسئولية عليهم كبيرة ومحتاجين انهم يتعانوا واه علي فكرة علي قد ما هما انانيين بس لما بيفوقوا ويعرفوا ان مصلحة الفريق اهم بيعملوا احلي شغل .. طيب واضح كدا ان النرفزة اللي حصلت من ساديو ماني واضح انها مش هتخلص وممكن نشوف قدام انانية من ماني فصلاح مش هيسكت فصلاح يبقي اناني كمان ويولع الفريق مش مشكلة .. طب ايه الحل ؟ .. واضح كدا ان كلوب مش قادر يحل المشكلة بين الاتنين دول فمعندهوش حل تاني غير انه يبيع حد فيهم .. اه دي الحقيقة معلش دا مابقاش فريق دي بقت حضانة كل واحد فيهم زعلان من التاني دا خد فرصتي دا خد الكورة بتاعتي دا نفس اللي بيحصل في المدرسة دا القلم بتاعي الكراسة ديه بتاعتي الحاجات ديه كانت بتحصل لما تكون في الحضانة او في ابتدائي .. لو كلوب مش قادر فعلا يحل المشكلة بين الاتنين دوول يبقي لازم الموسم الجاي يبيع حد فيهم لازم صلاح او ماني لازم حد فيهم يتباع لان كل واحد فيهم نجم كل واحد فيهم بينافس علي جوايز فردية زي افضل لاعب في الدوري هداف الدوري افضل لاعب في افريقيا فاللي حصل دا هيحصل تاني وتالت ورابع وممكن يحصل في ماتش انت محتاج فيه هدف هتعمل ايه ساعتها ؟ يعني ماتشات الدوري في البوكسين داي والموسم مضغوط بتحتاج لكل فرصة علشان تترجمها لهدف لو حد فيهم استهبل وانن في فرصة هيضيع عليك الماتش وخصوصا انت بتنافس فريق زي السيتي والسيتي مابيرحمش السيتي بمنتهي الاختصار بيبقي كسبان قبل ما الماتش بيبدأ اساسا الفرقة واصلها الفكرة ان فعلا السيتي مابيرحمش خلاص السيتي كسبان كسبان مش بطبل والله بس انتم عندكم شك في كدا ؟ .. فدي مشكلة انت بتنافس فريق لو انت وقعت هو مش هيحرمك ودا باين جدا لما ليفربول كان متصدر الدوري وكان بفارق محترم ب8 نقاط باين عن السيتي السيتي كان بيعوض النقط اللي ضاعت منه لحد ما ليفربول وقع في كام ماتش وفي النهاية السيتي كسب الدوري بفرق نقطة 

.. عموما انا بتمني ان يتم حل المشاكل بين ساديو وصلاح ويحاول كلوب يوصلهم انهم بيلعبوا لمصلحة الفريق مش لمصلحة نفسهم ولو اللعيبة مصممه انهم يلعبوا بنفس الاسلوب دا وكله يقول يلا نفسي فلازم حد فيهم يتباع علشان الفريق مايوقعش زي الموسم اللي فات ويضيع الدوري علي فرق نقطة .. 

شكرا واسف علي التطويل

خالد