الجولة الثالثة للدوري الانجليزي .. مفاجآت غير متوقعة

السلام عليكم ورحمة الله وبركاته
اهلا بيكم
انهاردة هنتكلم الجولة ال3 من الدوري الانجليزي الممتاز وبالتحديد عن نتايج التوب 6 للدوري الانجليزي
وفي الحقيقة الجولة ديه فيها مفاجآت ماكنتش متوقعة بالنسبالي وغالبا مش متوقع بالنسبالكم
اولا خسارة مانشستر يونايتد 1-2 علي ارضه امام كريستال بالاس كريستال بالاس كانت متقدم بهدف عن طريق جوردان ايو وفضل كريستال بالاس متقدم بهدف عن طريق جوردان ايو في الدقيقة 32 في الشوط الاول وفضل التعادل مستمر لحد الدقيقة 89 واحرز دانيال جايمس هدف التعادل لليونايتد وكل افتكر خلاص ان الماتش خلص علي كدا ولكن كريستال بالاس احرز الهدف الثاني عن طريق المدافع فان انهولت في الدقيقة 93 .. الحقيقة لو نمسك الماتش دا هنلاقي ان ديه مهزلة .. مهزلة فعلا اولا جايمس لما احرز هدف التعادل اللاعب احتفل ! .. متخيل لاعب مانشستر يونايتد النادي الكبير دا بيحتفل بالتعادل وعلي مين علي كريستال بالاس .. الالعن من كدا ان المباراة ديه كانت علي ارض اليونايتد .. متخيل عقلية لعيبة مانشستر يونايتد عامله ازاي ؟ بيحتفلوا بالتعادل علي فرقة زي كريستال بالاس .. وفي الحديث برضه علي النتائج الغير متوقعة توتنهام بتخسر واحد صفر قدام نيوكاسيل علي ارض توتنهام بشكل انا شخصيا كنت متفاجئ جدا من خسارة توتنهام خصوصا بعد الاداء اللي شوفناه اخر ماتشين لنيوكاسيل قولنا خلاص نيوكاسيل هتبقي فرقة هيتحفل عليها بمعني اصح ولكن الصراحة اللعيبة كانت بتدافع حلو جدا وباستماتة وبرجولة عن مرماهم وعجز هاري كين ورفاقه عن تسجيل حتي هدف التعادل ..
ماتش تشلسي ونوريتش سيتي انتهي ب3-2 لصالح تشلسي واخيرا الكورة تضحك في وش لامبارد المدرب الشاب بس تشلسي عندها مشكلة كبيرة جدا واتوقع هتعاني بشكل كبير قدام الدفاع .. الدفاع زبالة اوي ياجماعة بأمانة تشلسي ممكن تجيب خمس اهداف يدخل فيها اربعة .. تشلسي جاب الجول الاول في الدقيقة 3 وبعدين نوريتش ردت عليها في الدقيقة 6 وبعدين تشلسي جاب جول تاني في الدقيقة 17 وبعدين نوريتش في الدقيقة 30 جابت الجول التعادل وبعدين تشلسي جاب الجول الثالث في الدقيقة 68 عن طريق ابراهام وبالمناسبة ابراهام كان عامل ماتش حلو جاب جولين الماتش دا ودا كويس للولد علشان يخف شوية الضغط اللي عليه .. ونيجي بقا لمباراة السيتي وبورنموث انتهت لصالح السيتي 3-1 فيه هدف جول جدا لبورنموث سجله هاري ويلسون اللي نزل بديل لدانيلز اللي اتصاب من ركلة حرة مباشرة بطريقة رائعة واجويرو سجل هدفين ويعتبر اجويرو سجل 400 هدف في مسيرته كلها .. وختاما مباراة ليفربول وارسنال وتعتبر قمة الجولة انتهت بفوز ليفربول علي الارسنال 3-1 .. الارسنال للاسف الشديد ماكنش موفق لا من حيث اختيارات اللعيبة ولا من حيث التشكيل .. مش فاهم سر عدم البدأ بلعيبة زي لاكازيت و توريرا من بداية المباراة ومش فاهم سر اعجاب يوناي ايمري بتشاكا بامانة والله يعني توريرا الوحيد هو قاطع الكرات في فريقك ماتلعبهوش ازاي ؟ ولو مش مقتنع بيه تبقي كارثة فعلا بتمني علي حسب الكلام اللي بيتقال انه مش جاهز بس انا شايف انه جاهز الصراحة .. لاكازيت وتوريرا لو بدأوا في ماتش زي دا كانوا هيفرقوا جامد من حيث الضغط علي ليفربول ويرخموا عليهم شوية مايسلموش الماتش كدا بسهولة لليفربول يبقي فيه شكل واداء يعني تحس ان فيه امل شوية في الفريق دا بس دا ماحصلش للاسف وللاسف فيه مشكلة واضحة في الدفاع وهو دافيد لويز وسقراطس الاتنين مينفعوش خالص قدام فرقة زي ليفربول خاالص الاتنين مندفعين جدا ولكن للاسف لازم جماهير الارسنال تستني شوية لحد رجوع هولدينج من الاصابة والدنيا تتظبط شوية و عودة تيرني هتفرق جامد لان مونريال سئ جدا ومستواه نازل وعودة بيرلين هتفرق كمان لان نايلز مع الاسف دا مش مركزه في الاول وفي الاخر نايلز علي فكرة كان مدافع خط نص مع الارسنال تحت ال21 سنة وكان افضل قاطع للكرات وللاسف المركز اليمين دا ظلم للنايلز .. وبالنسبة لليفربول فلا جديد ومستمر في الانتصارات ودا الانتصار الثالث علي التوالي لليفربول ومستمر في الصدارة ولكن ولكن الخوف في الماتشات لما تكتر علي ليفربول لسه فيه دوري ابطال لسه فيه كاس عالم للاندية التعامب هيبقي مع الماتشات ديه ازاي ومع الاسف مافيش احتياطي يسد خصوصا لو لاعب من الثلاثي اللي قدام ماني فيرمينو صلاح سواء اصابات لقدر الله او هبوط مستوي او ارهاق مافيش لعيب يقدر يسد المركز دا اه اوريجي علي فترات وشاكيري بقا حبيس الدكة معرفش ايه السبب مع ان شاكيري كان ماشي كويس معرفش ايه الدروب اللي حصله فجأة .. ولكن زي ماقولت ليفربول لسه مادخلش مرحلة المفرمة وزحمة الجدول اللي ليفربول بيعاني منها دايما .
ختاما بتمني ماكنش طولت عليكم
تحياتي
خالد