السلام عليكم ورحمة الله وبركاته
اهلا بيكم
انهاردة هتكلم عن شخصية في انمي مشهور جدا اسمه ناروتو والشخصية ديه تدعي ساكورا
انهاردة انا جاي احسم الجدل حولين الشخصية ديه ونشوف ليه الناس بتكرهه ساكورا مع العلم ان ليها مواقف كويسة جدا بس احنا ايه هندي الشخصية ديه حقها بس بنكرهها برضه فمن البداية كدا اي حد فانز ساكورا ممكن مايعجبكش الكلام اللي مكتوب
فمتزعلوش مني دي مجرد اراء شخصية فقط كل واحد له نظرة مختلفة
السؤال ليه الناس بتكرهه ساكورا لهذه الدرجة ؟
ليه اغلب الناس بتكرهه هذه الشخصية بالشكل دا بل كانت تتمني ان الشخصية ديه تموت بدل شخصيات كتيرة حلوه واسطورية زعلنا علشان ماتت وساكورا كانت عايشة
اولا ساكورا مش ( يوزليس ) دا من البداية ديه ساكورا ليها مواقف كويسة جدا ليها مواقف كتير زي انها عالجت كانكورو وانقذت ناروتو وهيناتا من الموت وكان ليها دور مهم في فيلم
The Last
سواء انها اتكلمت مع ناروتو علشان كان مصدوم من موقف هيناتا انها سابته وراحت مع تونيري
طيب فين المشكلة ؟
المشكلة ان شخصيتها مش حلوه شخصية بتاعت مصلحتها اووي بجد اغلب فانز ناروتو مش طايقينها يعني فيه مشهد من المشاهد كانت بتفكر لو ناروتو وساسكي هيموتوا ومحتاجه تنقذ حد فيهم هتنقد مين ؟ يعني المشهد دا استفزني جدا ..يعني ناروتو طلعان عينه بسببك وعاوز يرجع ساسكي تاني للقرية علشان ينفذ الوعد اللي وعدهولك وهو عارف انك مابتحبهوش وبتحبي ساسكي وساسكي بيهزئك وبيمسح بكرامتك الارض وانتي مافيش دم خاالص ؟ وفيه موقف بقا غايظني اوي بعد معركة ناروتو وباين وناروتو انتصر الكل كان بيحيي ناروتو علي شجاعته جت ساكورا راحت ضارباه اييه ياشيخة اييه دا انا بحاول ادور علي سبب ان الواحد يحبك شوية بس مافيش لازم تدينا سبب في كل مرة اننا نكرهك يعني حتي المواقف الكويسة اللي عملتيها مش شافعالك خالص اننا ننسي المواقف الزبالة اللي عملتيها .. ولا مشهد لما قالت لناروتو انها بتحبه وبوووم راح ناروتو اداها قصف في جبهتها طيرها خالص وقالها مابحبش الناس اللي بتكذب علي نفسها .. دايما لازم تدينا اسباب اننا نكرهها بشكل كبير وانت ضميرك جواك بيقولك تمام تستاهل .. يعني عارف انت لما تيجي تتخانق مع حد بس ضميرك يقولك بس دا طيب ماتزعلهوش له مواقف محترمة معاك كدا .. انما ديه يعني بتعمل مواقف في كل مرة تخليك تكرهها وعاوز تجيب الديث نوت وتكتب اسمها ونرتاح منها نخلص منها خالص ونرتاح كلنا ماانكرش ان ساكورا ليها مواقف كويسة ومهمة بس ليها مواقف تانية سلبية تخليك تكرهها كرهه العمي .. يعني في معركة ناروتو وباين البت فضلت تعيط وتزعق ناروتو ناروتو ماتعملي حاجه مش دا اللي هيجبلك ساسكي اعملي اي حاجه تحسسني انك صاحبته ولا حتي تثبتي انك شخصية كويسة حتي لنفسك .. ولا اي حاجه قعدت كدا تعيط وخلاص .. لا فعلا شخصيتها ديه من اكتر الششخصيات المستفزة ياجماعة اوي عارف انت لما حد مش طايقه مهما عمل معاك مواقف اهي ساكورا كدا بالظبط وحتي لما كبرت واتجوزت ساسكي .. في ارك ساسكي لما سارادا بتدور عليه .. كان فيه الفايت بين ساسكي وناروتو ضد واحد عاوز يرجع الاكاتسكي نسيت اسمه للاسف ساكورا عملت دخول مفاجئ يسبب الحرايق وراحت قالت عملت ايه لزوجي الحبيب وبنتي الحبيبة .. طب وناروتو اللي طلع عينه السنين دي كلها مافيش اي حاجه خالص ولما حست علي دمها شوية راحت لناروتو وقالتله انت كويس محتاج علاج .. بارده برود ياجماعة
يعني حسي علي دمك شوية حسي علي دمك بعد السنين دي كلها ولسه بارده مع ناروتو المشكلة يافانز ساكورا في شخصيتها لكن مااقدرش انا اقلل من مواقفها اللي كان ليها تأثير كبير خصوصا في انها ساعدت ناروتو وساسكي في ختم كاغويا دا اكبر موقف بس برضه ماحدش طايقها بس يعتبر دا رأيي الشخصي وبتمني ماحدش يزعل مني
تحياتي
خالد
Comments
Post a Comment