الفرحة المبالغ فيها

السلام عليكم ورحمة الله وبركاته

اهلا وسهلا بيكم 

مقدمة بسيطة عندي وهندخل في الموضوع اللي هنتكلم فيه انهاردة

اسمي خالد بحب دايما اتكلم عن كل الحاجات الترفيهية كورة سينما مصارعة كل حاجه بنرفهه بينا عن نفسينا

هدف البلوجر او اي مقال هينزل مش اني استفزك او اعصبك هدفي اننا نتكلم شوية بالعقل 

اللي مابقاش مستعمل خالص اليومين دول والسهل انك تشتم وخلاص وتحول غرض الموضوع من النقاش الي شتيمة وردح 

فبتمني اننا مانوصلش للمرة ديه بتمني انك تقرا بتمعن وبعقل انا عاوز اوصلك ايه 

طيب نسيبنا من الرغي اللي مالهوش دعوه بمقالنا ونتكلم عن موضوعنا النهاردة

امبارح كان فيه ماتش بين الاهلي و نادي اطلع برة من جنوب السودان 

الاهلي اكتسح اطلع برة بنتيجة 9-0 بنتيجة اجمالية من الذهاب والاياب ب13-0

جماهير الاهلي امبارح احتفلت بالنتيجة الضخمة ديه وبدأت في رسم طموحات واحلام

ممكن اسأل سؤال .. مش دا الطبيعي من الاهلي انه يكسب فريق زي دا بمنتهي البساطة ؟

الطبيعي ان الاهلي يبقي المنافس الاول علي البطولة دايما .. عمك مانويل جوزية الله يمسيه بالخير في الماتشات اللي زي ديه كنت تستني هو الاهلي كسب كام مش الاهلي كسب ولا خسر فاهم الفرق .. طيب اللي بيقرا دلوقتي هيقولي انت متشائم ليه ياجدع انت هتقرفنا ليه

ياسيدي مش متشائم بس تعالي بالعقل .. فرقة انت كسبتها في ماتش الذهاب ب4-0 وكانت ممكن النتيجة تزيد اصلا لولا الفرص اللي ضاعتها اكتر فرصة مميزة بتاعت وليد ازارو 

فانت اساسا كسبان الفرقة ديه اساسا فليه الفرحة المبالغ فيها اللي شايفها في اهلاوية كتير مش بقول كل الاهلاوية اهلاوية بشوف تعليقاتهم فمستغرب دا الطبيعي الطبيعي انك تكسب الفرق ديه بمنتهي السهولة 

طب ياسيدي نعمل ايه نزعل

لا

الله بقا حيرتنا معاك ياعم

تفرح لان ديه فرقتك اللي بتشجعها وفرقتك كسبت فالطبيعي انك تفرح لكن ماتزود في فرحتك

ليه طيب ياعم

لان بمنتهي البساطة لسه فيه فرق ماقابلتهاش مافيش فريق لاعبته لحد دلوقتي علشان تقيم نفسك تستحق ان تكون بطل دوري ابطال افريقيا ولا لا 

التقيم يبدأ امتة ؟ ببساطة لما تجيب مدرب جديد فاهم وواعي مش زي لاسارتي والناس الغريبة اللي دربوا الاهلي دول لا مدرب فاهم وعارف هيعمل ايه بالامكانيات اللي عنده وباللعيبة اللي عنده لسه في الماتشات التقيلة في افريقيا وفي الدوري تبدأ تقيم الفريق مش لازم الفرحة المبالغ فيها اللي في اول الموسم اول بعد رحيل مدرب وقدوم مدرب جديد فبنتدي نقول المدرب دا عظيم ولا وحش من اول الماتش وعلي فكرة دا مش بيحصل في مصر بس بيحصل في كل اندية العالم دايما الماتشات الودية بتبقي مقياس للجماهير او الماتشات السهلة دا مش صح لان جو المنافسة بيختلف بمعني في الماتشات الودية مش بيبقي عندهم نفس الحافز او نفس الطموح في الماتشات الرسمية في الدوري في الكاس في افريقيا اوروبا في الماتشات اللي لازم تكسبها علشان تكسب البطولة .. الحاجة اللي بتخليني فعلا متفائل بالاهلي هو الصفقات الجديدة صفقتين كويسين جدا ديانج في خط النص نيانج مع حمدي فتحي هيفيدوا الاهلي جدا وديه مشكلة من مشاكل الاهلي خط النص علشان حسام عاشور كبر في السن وعمر السولية دا مش مكانه اصلا ياجماعة عمر السولية مكانه ريجيستا بيطلع الكورة لقدام مش قاطع الكرات فاخيرا انك حليت المشكلة ديه ولسه فيه مشكلة المدافعين لسه الاهلي محتاج صفقة او اتنين في الدفاع كمان مع احترامي للموجودين دلوقتي ايمن اشرف رامي ربيعة سعد سمير واللي عرفته ان رامي ربيعة رجع اتصاب تاني فالمركز دا محتاج تدعيمات الاهلي عمل صفقة محمود متولي ومش شايفها برضه صفقة سوبر او صفقة قوية لان مشكلة الاهلي في الدفاع العرضيات ايمن اشرف قصير فالبالتالي اللي بيحصل جول او فرصة خطيرة علي الاهلي بسبب ان ايمن اشرف قصير والمشكلة قدام هتلاعب فرقة بتعتمد علي العرضيات بشكل كبير فانت هتتعب دا والفرق بين محمود متولي وايمن اشرف واحد سنتي في الطول فمركز الدفاع محتاج تدعيم لعيب زي كوليبالي طوله كان بيحمي الاهلي من العرضيات وكمان كان بيسجل من العرضيات او ضربة ركنية .. اكيد انتم عارفين فان دايك وماتيب شايفين اطوالهم عامله ازاي ودا علشان كلوب بيعتمد عليهم في منع العرضيات وكمان علشان لما يبقي فيه ضربة حرة او ضربة ركنية الاتنين دول يبقي ليهم دور كبير .. الخلاصة من كلامي الكتير بلاش تسرع في الاحكام وبتمني ان ماحدش يضايق من كلامي او من صراحتي انا بحاول نتكلم بالعقل انا اسف جدا لو كنت ضايقت حد بيقرا كلامي دا مجرد رغي في الاخر ..

تحياتي 

خالد