السلام عليكم ورحمة الله وبركاته
اهلا بيكم
انهاردة عاوز اتكلم عن انمي بوروتو وهل له لازمة فعلا والكلام دا كله بس انا هتكلم بناء علي وجهة نظري انا الشخصية وكل واحد لرأيه .. طيب بالنسبالي انا شايف ان له لازمة فعلا طب ايه السبب ؟ .. معلش الكلمتين دول استحملوني فيهم مافيهاش حاجه يعني هو لازم ابقي انمي علشان تستحملوا الفلرز " هخه " اغلبكم اتفرج علي انمي ناروتو واستحمل كمية فلرز والشغل دا الانمي بدأ علي مااعتقد 2002 ناروتو الصغنن وبعدين دخلنا علي ناروتو شيبودن لما كبر ماشاء الله فيه ناس اللي هما العواجيز اللي كانوا بيتفرجوا علي ناروتو وهي حلقات حصرية يعني الحلقة كل اسبوع زي مااحنا متعودين عادي بس الفرق بقا يقولك لا مافيش حلقات الاسبوع دا اصل الاستوديو في اجازة اصل مش عارف الالوان خلصت فبعتنا نجيب الوان خشب فالواد جبلنا الوان ماية رجعناه تاني فهنأجل اسبوع كمان .. اصل ساكورا عاوزين نموتها وكل مرة نبتكر موتة لساكورا القلم يتقصف فقتلنا نيجي اسهل وخلاص والشغل الضيق دا .. الناس اللي زي دول استحملوا بقا فلرز محترمة كمان مش زيي كدا مدلع الاقي الفلرز من دول مااتفرجش واخش في الموضوع علطول لا دول قاعدين يعيني بتاع شهرين فلرز لحد ما ندخل في القصة .. فالناس دي او اللي اتفرج علي انمي ناروتو بعد ما خلص علي روقان وعجبهم انمي ناروتو .. مش عاوز تشوف الحياة بتاعت ناروتو وهو اتجوز وخلف عيل معاق عاوز يبقي زي ساسكي وبنوتة كميلة يوغتي عليها رقة امها وهي صغيرة مش عاوز تشوف الشخصيات وهي كبيرة بقت عامله ازاي ؟ هو فكرة الانمي كدا شوف ناروتو وهيناتا عايشين ازاي شوف ازاي ناروتو هيربي بوروتو مع انه مااتولدش ومعاه عيلته وعلي فكرة الموضوع دا صعب جدا انا بتكلم جد اللي مالهوش عيلة وحد من اهله مات وهو صغير بيبقي صعب عليه انه يربي ابن او بنت علشان ماعندهوش خلفية بمعني اصح مش عارف يتعامل مع مفاتيح الطفل الصغير اه للطفل مفاتيح ممكن يتحول لشرير وممكن يتحول لطيب فكان عندي فضولي اعرف ناروتو هيربي ولاده ازاي هيتعامل ازاي مع الناس وهو هوكاجي .. ساسكي كمان كنت عاوز اعرف عامل ايه وهو في رحلته والاهم .. ازاي اتجوز ساكورا مش قصدي ساكورا وحشة لا خالص عيب حتي بص بصة كدا علي المقال دا هتنبسط
https://khaledkhaled149.blogspot.com/2019/09/blog-post.html?m=1
.. بس عارف انت شخصية زي ساسكي بارده مش بتاعت مشاعر واحد وهو صغير لقي ابوه وامه وعشريته كلها اتقتلوا علي ايد اخوه وكمية الدمار اللي في نفسية الشخص دا عامله ازاي فازاي ساسكي هيعمل عيلة وازاي قال لساكورا تعالي نتجوز ازاي .. اللي ماشفش ساسكي وهو بيقتل بيحاول يقتل ساكورا بتاع 3 مرات استحالة الواد دا يبقي له مشاعر يعني انا كنت بكرهه ساسكي بس وحياة امي في الحلقة بتاعت ناروتو شيبودن لما ساكورا عاوزه تغزه بالسكينة المسمومة فساسكي خد باله وكان هيقتلها اقسم بالله فرحت فرحة اليوم دا لدرجة امي جاتلي فحكيتلها مين الطيب ومين الشرير قولتلها ساسكي الشرير وساكورا الطيبة وقالتلي وانت فرحان انه هيقتلها ؟! .. فالفكرة عاوز اشوف المشهد انه بيروح لساكورا يقولها بحبك تعالي نتجوز هتطلع منه ازاي والتعامل مع بنته كمان سارادا والحلقة كانت قمة الروعة لاننا بنشوف ساسكي الانسان من غير سيف ولا شارينجان ساسكي الانسان ساسكي الاب بيتعامل ازاي وكان واضح جدا ان انسانيته كانت مفقوده جدا لانه طالع من حروب وداخل في حروب طول الوقت واكيد التربية والتعامل مع بنته هيبقي صعب عليه علي فكرة ياجماعة الحلقة ديه احسن حلقة لساسكي علشان فعلا بتبين جانب من ساسكي الناس مش واخده بالها منه الناس عاوزه ساسكي اللي بيضرب بس ماحدش فكر ساسكي عامل ازاي كإنسان من غير سيف كأب دي كانت اجمل حلقة لساسكي بالنسبالي .. شيكا وتيماري عيلة مصرية اصيلة شيكا من ساعة ماوعينا عليه وهو كارهه الستات لانه بالنسباله مزعجين وانا اتفق " قصف جبهة هخه تاني " عيلة مضحكة جدا ازاي شيكا اترمي الرمية السودا ديه وبيتعامل مع واحدة راجل تيما اكتر واحدة مسترجلة دا كفاية انها واجهت مادارا في الحرب وماخفتش منه اديتلوا واحدة بالمروحة كدا هو اينعم ماقصرش في مادارا طبعا يعني بس زي ماتقول بالامريكاني badass فتخيل واحدة كدا تتجوزها بقا وعاوز اعرف برضه شيكا ازاي قالها بحبك وفكر فيها ازاي واكيد كان فيه مواقف كوميدية كتير جدا متأكد من دا هنقع من كتر الضحك فعلا دول وهما متجوزين كمية كوميديا مش ممكنه عيلة مصرية ياجماعة واكتر عيلة واقعية والله .. ديه اغلب الاسباب بالنسبالي اللي اتحطت في انمي بوروتو علشان نتفرج عليه علشان الاستوديو عارف ان لحد دلوقتي الناس بتتفرج علي الانمي دا بسبب ناروتو والجيل القديم الجيل الجديد لسه مافيش حد متقبله لحد دلوقتي .. بس فيه سبب حطيته في الاخر .. هل فيه اشرار تانيين ولا كدا خلاص اللعبة اتقفلت ؟ .. اكيد طبعا .. الحياة ياابيض يااسود طول عمرها كدا للشر بذرة زي ما الخير له بذرة والاتنين بينموا والاتنين بيكبروا علشان ديه الحياة دايما الحياة هتبقي مملة لو كلها اشرار او كلها ناس بتحب الخير .. اللي مش قادر لحد دلوقتي ارسمه في مخيلتي .. مين الشرير اللي هيبقي اقوي من مادارا وكاغويا ؟ مادارا كان بيحارب وحوش البيجو و بيحارب اربعة هوكاجي ميتين و جيش مكون من خمس قري وطربيزات بلياردو وبنج فاانت بتتكلم عن واحد كان هيسيطر علي العالم كذلك كاغويا كانت الهه التشاكرا هي السبب في وجود التشاكرا وناروتو وساسكي اتغلبوا عليهم .. فمين بقا اللي هيتغلب علي ناروتو وساسكي ؟ انت واصلالك صح ؟ يعني ناروتو وساسكي يعتبروا خلينا نقول يعتبروا كسبوا الحرب اللي فيها مادارا وكاغويا كسبوا الاتنين يعتبروا يعني .. فمين بقا الكائن الهولامي اللي هيقدر يتغلب علي شخصيتين يعتبروا اقوي شخصيتين في انمي ناروتو ؟ وانا بقول التصنيف دا بحكم انهم المفروض تغلبوا علي مادارا و كاغويا وانقذوا العالم فمين دا اللي قدر يتغلب علي الاتنين دول ؟ .. كاواكي ايه قصته ديه انا تابعت شوية المانجا واستمتعت بيها بس ماكملتش علشان كدا هحرق علي نفسي متعة الفرجة علي الشابترز ديه في الانمي الفرجة علي الانمي ليها مذاق برضه الموسيقي التصويرية الحركة الحاجات ديه بتفرق .. فا ادينا مستنين عم كاواكي دا لما يظهر نشوف ايه الدنيا هيعمل ايه لما يظهر .
https://khaledkhaled149.blogspot.com/2019/09/blog-post.html?m=1
.. بس عارف انت شخصية زي ساسكي بارده مش بتاعت مشاعر واحد وهو صغير لقي ابوه وامه وعشريته كلها اتقتلوا علي ايد اخوه وكمية الدمار اللي في نفسية الشخص دا عامله ازاي فازاي ساسكي هيعمل عيلة وازاي قال لساكورا تعالي نتجوز ازاي .. اللي ماشفش ساسكي وهو بيقتل بيحاول يقتل ساكورا بتاع 3 مرات استحالة الواد دا يبقي له مشاعر يعني انا كنت بكرهه ساسكي بس وحياة امي في الحلقة بتاعت ناروتو شيبودن لما ساكورا عاوزه تغزه بالسكينة المسمومة فساسكي خد باله وكان هيقتلها اقسم بالله فرحت فرحة اليوم دا لدرجة امي جاتلي فحكيتلها مين الطيب ومين الشرير قولتلها ساسكي الشرير وساكورا الطيبة وقالتلي وانت فرحان انه هيقتلها ؟! .. فالفكرة عاوز اشوف المشهد انه بيروح لساكورا يقولها بحبك تعالي نتجوز هتطلع منه ازاي والتعامل مع بنته كمان سارادا والحلقة كانت قمة الروعة لاننا بنشوف ساسكي الانسان من غير سيف ولا شارينجان ساسكي الانسان ساسكي الاب بيتعامل ازاي وكان واضح جدا ان انسانيته كانت مفقوده جدا لانه طالع من حروب وداخل في حروب طول الوقت واكيد التربية والتعامل مع بنته هيبقي صعب عليه علي فكرة ياجماعة الحلقة ديه احسن حلقة لساسكي علشان فعلا بتبين جانب من ساسكي الناس مش واخده بالها منه الناس عاوزه ساسكي اللي بيضرب بس ماحدش فكر ساسكي عامل ازاي كإنسان من غير سيف كأب دي كانت اجمل حلقة لساسكي بالنسبالي .. شيكا وتيماري عيلة مصرية اصيلة شيكا من ساعة ماوعينا عليه وهو كارهه الستات لانه بالنسباله مزعجين وانا اتفق " قصف جبهة هخه تاني " عيلة مضحكة جدا ازاي شيكا اترمي الرمية السودا ديه وبيتعامل مع واحدة راجل تيما اكتر واحدة مسترجلة دا كفاية انها واجهت مادارا في الحرب وماخفتش منه اديتلوا واحدة بالمروحة كدا هو اينعم ماقصرش في مادارا طبعا يعني بس زي ماتقول بالامريكاني badass فتخيل واحدة كدا تتجوزها بقا وعاوز اعرف برضه شيكا ازاي قالها بحبك وفكر فيها ازاي واكيد كان فيه مواقف كوميدية كتير جدا متأكد من دا هنقع من كتر الضحك فعلا دول وهما متجوزين كمية كوميديا مش ممكنه عيلة مصرية ياجماعة واكتر عيلة واقعية والله .. ديه اغلب الاسباب بالنسبالي اللي اتحطت في انمي بوروتو علشان نتفرج عليه علشان الاستوديو عارف ان لحد دلوقتي الناس بتتفرج علي الانمي دا بسبب ناروتو والجيل القديم الجيل الجديد لسه مافيش حد متقبله لحد دلوقتي .. بس فيه سبب حطيته في الاخر .. هل فيه اشرار تانيين ولا كدا خلاص اللعبة اتقفلت ؟ .. اكيد طبعا .. الحياة ياابيض يااسود طول عمرها كدا للشر بذرة زي ما الخير له بذرة والاتنين بينموا والاتنين بيكبروا علشان ديه الحياة دايما الحياة هتبقي مملة لو كلها اشرار او كلها ناس بتحب الخير .. اللي مش قادر لحد دلوقتي ارسمه في مخيلتي .. مين الشرير اللي هيبقي اقوي من مادارا وكاغويا ؟ مادارا كان بيحارب وحوش البيجو و بيحارب اربعة هوكاجي ميتين و جيش مكون من خمس قري وطربيزات بلياردو وبنج فاانت بتتكلم عن واحد كان هيسيطر علي العالم كذلك كاغويا كانت الهه التشاكرا هي السبب في وجود التشاكرا وناروتو وساسكي اتغلبوا عليهم .. فمين بقا اللي هيتغلب علي ناروتو وساسكي ؟ انت واصلالك صح ؟ يعني ناروتو وساسكي يعتبروا خلينا نقول يعتبروا كسبوا الحرب اللي فيها مادارا وكاغويا كسبوا الاتنين يعتبروا يعني .. فمين بقا الكائن الهولامي اللي هيقدر يتغلب علي شخصيتين يعتبروا اقوي شخصيتين في انمي ناروتو ؟ وانا بقول التصنيف دا بحكم انهم المفروض تغلبوا علي مادارا و كاغويا وانقذوا العالم فمين دا اللي قدر يتغلب علي الاتنين دول ؟ .. كاواكي ايه قصته ديه انا تابعت شوية المانجا واستمتعت بيها بس ماكملتش علشان كدا هحرق علي نفسي متعة الفرجة علي الشابترز ديه في الانمي الفرجة علي الانمي ليها مذاق برضه الموسيقي التصويرية الحركة الحاجات ديه بتفرق .. فا ادينا مستنين عم كاواكي دا لما يظهر نشوف ايه الدنيا هيعمل ايه لما يظهر .
وبكدا نكون خلصنا واتمني يعجبكم المقال
خالد .
Comments
Post a Comment