مسلسلات تانية ؟ اشمعني المسلسل دا بالذات الناس بتشكر في المسلسل ؟ لو راجعنا ورا شوية ف يالمسلسلات او حتي في فيلم الكنز هنلاقي محمد رمضان كان بيعما شخصيتين الاب والابن او الاخ و اخوه المهم انه يبقي كل حاجه ليها علاقة بالشخصية اللي بيلعبها .. طب ليه بيعمل كدا ؟ بمنتهي البساطة هو عاوز يثبت لناس كتير انه بيعرف يمثل هو عاوز يثبت انه فعلا بيعمل كل الشخصيات .. فللاسفف دا جاب نتيجة سلبية مع ناس كتير واتريقوا عليه .. لما نزل تريلر مسلسل البرنس قولنا كالعادة نفس القصة هي هي وهيلعب شخصيتين ونفس الكلام اللي كان بيتقال من قبل كدا اتقال تاني .. فجأة عزيزي القارئ نكتشف حاجات مختلفة تماما هو اينعم ممكن تقول نفس اللوكيشن بتاع الاسطورة ونفس النمط الشعبي والكلام دا بس القصة ياجماعة تشد القصة معموله كويسه جدا وتشدك حتي لو كنت من كارهي محمد رمضان برا لوكيشن التصوير وانا منهم بس الحق يتقال لما بنلاقي حاجه حلوه لازم نقول ان ديه حاجه حلوه .. طب السؤال ايه الاختلاف اللي حصل في المسلسل دا عن المسلسلات التانية ؟ ببساطة رمضان شبهه لعيب كورة بيلعب لوحده مش بيباظي لحد ولما اكتشف ان حواليه حريفه بيعرفوا يلعبوا كورة ادالهم الكورة وبقوا يجيبوا اجوال والفرقة بتكسب ورمضان بيكسب كمان بعد ما كان بيلعب لوحده واناني بقا بيلعب مع زمايله .. مين بقا زمايله ؟ .. ورقة وقلم واكتب ورايا .. احمد زاهر اللي قال للشيطان اقعد واتعلم مني الشر .. بجد احمد زاهر فاضله مشهدين معايا واكسر التلفزيون علي دماغه .. مافيش شر كدا ومافيش جحود كدا غل وحقد وشر كدا ماشفتش احمد زاهر فيلين او شرير محترم جدا لازم يتعمله حلقة لوحده مخصوص نعيش حياة الراجل دا وليه كارهه رضوان كدا مش كلمتين مع فدوي وخلاص بل ممكن يخلي الناس تتعاطف مع فتحي والمسلسل يروح في سكة تانية والمشاهد يفضل محتار طب اتعاطف مع دا ولا مع دا زي بالظبط اللي بيحصل في الافلام الاجنبية والمسلسلات وحتي الانمي لو من مشاهدي الانمي .. الشخصية التانيية وهي روجينا اللي فعلا السنادي بتعمل دور مختلف تماما .. احمد داش كمان بطل فيلم لامؤاخذة اللي فعلا بيثبت للناس موهبته فيلم عن فيلم مسلسل عن مسلسل .. اخوات فتحي بيقدموا ادوار عظيمة جدا ادوارد دور عظيم جدا يمكن احسن دور عمله بصراحة .. محمد علاء في دور ياسر من زمان وهو ممثل موهوب الصراحة وعامل دور حلو اوي .. سلوي عثمان ممتازة ممتازة في دورها لما اكتشفت ان اخوات رضوان قتلوا مراته وابنه .. الصراحة كل الممثلين ماحدش قصر فيهم علشان كدا لما اديتلهم مساحة للابداع سساعدوا المسلسل انهم يطلعوه لفوق والناس تتكلم عنه لما اديت فرصة لزمايلك والمخرج وثق فيهم وادي مل واحد فيهم مساحة يمثل بحرية .. عملوا شغل عاديي ودا ادي لنجاح المسلسل ككل ماركزش في تمثيل شخص واحد لا ادي كل واحد مساحة يستاهلها وعمل شغل حلو .. انا بتمني بتمني لو محمد رمضان يكمل كدا ويعمل مسلسلات من النوعية ديه واللي اقصده انه يدي الكورة لزمايله ويديلهم مساحه هيساعدوه جدا انهم ينجحوا المسلسل زي يوسف الشريف كل سنة بنكتشف ممثلين جدد ومواهب شابة وناس قديمة بنعيد اكتشافها مرة تانية علشان كدا مسلسلاته داييما ناجحه
Comments
Post a Comment